Gure herrian familien ehuneko handi batek du baratzea etxe ondoan eta norbere kontsumorako ekoizten dute gehienek. Badira, ordea, soberan geratzen zaiena aprobetxatu nahian, produktuak herritarren eskura jartzen dituztenak ere. Horretarako, bertako produktuen salerosketarako whatsapp taldea daukagu. Honen aurrean, honako galderak datozkit burura: Nori egiten dio kalte gaur arratsaldean ilarrak biltzera doan emakumeak? Edo bihar goizean eguraldi ona aprobetxatuz letxugak landatuko dituen gizonak? Supermekatuetako ilara luzeetan egoteak arrisku gutxiago balu bezala.
Goitik datozkigun aginduen aurrean, bi bide hartu ditzakegu. Batetik, gizarte kapitalista loditzen jarraitu, eta osasuntsuagoak ez diren eta baratzean usteltzen ari diren ilarren ordez supermerkatutik erostea. Bestetik, entzungor egin eta geure lurretan, geuk goxatuz hazitako barazkiez gozatzea.
Ez nago prest urte osoan zehar etxekoak ez diren barazkiak kontsumitzeko. Horregatik, bigarren hautuaren alde egingo dut, aita nirekin bat badator behintzat.