Enirio-Aralar

Aralarko egoera berriaren inguruko Landarlanen hausnarketa

Erabiltzailearen aurpegia

Udal eta Foru hauteskundeen ostean, Landarlan Ingurumen Elkarteak, erakunde eta alderdi politiko ezberdinei Aralarko gatazka konpontzeko lanean hasteko deia luzatzen die.

Horretarako gogoratu behar dugu sektore ezberdinen interesen gainetik, Aralar Natur Parke eta Kontserbazio Bereziko eremuaren helburuek iparrorratza izan behar dutela, besteak beste, natur baliabideak babestea, kontserbatzea, leheneratzea eta hobetzea, bereziki, natur guneak eta flora eta fauna basatiak. Horrela, legedian eta ikerketa zientifikoetan oinarrituz eta sektore ezberdinen kezkak eta iritziak kontuan izanik, elkarlanean oinarritutako kudeaketaren plangintzari heltzea ezinbestekoa da.

Hauteskundeen aurretik adierazi genuen moduan, Landarlan elkartea gatazkaren konponketan parte hartzeko prest dago, horretarako Kudeaketa proposamen bat bidali genuelarik Enirio-Aralar mankomunitate, eta baita, mankomunitateko udal, Foru Aldundi eta Eusko Jaurlaritzako Ingurumen Sailera ere. Erakunde ezberdinek abiapuntu modura erabili dezaketen dokumentu aproposa dela uste dugu. Biodibertsitatearen egoera larriak, lehenbailehen bide zuzenari ekitea eskatzen digu!

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!