Datorren larunbatean, ekainaren 6an, urtero ospatzen dugun ikasturte bukaerako jaialdia izango dugu. Jaialdia Uzturpe frontoian izango da. Goizeko 11:00etan Lagun-busa Triangulotik aterako da eta ohiko ibilbidea egingo du. 12:00etan hasiko da jaialdia ikasleen emanaldiekin, aurtengo gaia Euskal Mitologia izango delarik eta horrela, mailaka taldekaturik, ikasleek gure mitologian oinarritutako pertsonaiez jantzirik egingo dituzte emanaldiak, musika, dantza eta antzezpenekin.
Emanaldiaren ondoren, puzgarriak, futbolin erraldoia, tailerrak, eta abar egongo da, helduek bazkaltzen duten bitartean. Eta jaialdiarekin jarraitzeko, Egan taldearekin dantza egin ahal izango dugu, giroa oraindik gehiago berotzeko!! Ondoren, eta indarrak berritzeko, txokolatea.
Bukatzeko, Uzturpe frontoitik herrira kalejiran jeitxiko gara, tolosarren ohiturekin jarraituz, txarangarekin salto eginez!