Bihar, aurtengo Samaniegoko Literatur Astearekin bukatzeko, irakurketa maratoia izango dugu. Ekitaldi honi hasiera emateko, goizeko 9tan, Bixente Gorostidi bertsolaria izango dugu gurekin eta ondoren etengabeko irakurketari ekingo diogu arratsaldeko 16:30ak arte, eskolako haur guztien eta Orixe institutuko eta Tolosaldeko lanbide eskolako hainbat ikasleren laguntzaz.
Bertan erabiliko diren hizkuntzei dagokienez, esan behar da euskararen normalizazioaren aldeko apustua eginez, ekintza gehienak euskara hutsean egingo direla. Baina bestalde, gizartearen aniztasuna kontuan izanik eta hizkuntza guztiak aberasgarri direla jakinik, urtero bezala hainbat hizkuntza entzuteko aukera izango dugu, hala nola: euskara, gaztelania, ingelesa, frantsesa, latina, grekera, alemaniera, arabiera, katalana, errumaniera portugesa, galegoa, fang, thai, italiera, flandiera eta zeinu hizkuntza.