Pandemiak erdi-erdian harrapatu zuen Pello Errota bertso sariketa. Harituz Tolosaldeko Bertsozaleen Elkarguneak 2019an antolatu zuen lehen aldiz sariketa —Eneko Lazkoz izan zen txapeldun, urriaren 20an, Asteasuko Iturri-Ondo jatetxean—, eta abenduaren 27ra arte atzeratu behar izan zuten 2020koa, bigarrena, COVID-19aren pandemiaren eraginez; pilotalekura lekualdatu zuten saioa, segurtasun neurriak bermatzeko —Amaia Iturriotz nagusitu zen—. Gaur izango du finala hirugarren aldiak, Asteasuko Iturri-Ondo jatetxean, 20:30ean, bertso afari egituran. Jexux Mari Irazu (Larraul, 1972), Iñaki Gurrutxaga (Orio, 1981), Unai Mendizabal (Zizurkil, 1992) eta Eñaut Martikorena (Hernani, 1995) ariko dira kantuan, Imanol Artola Felix-en aginduetara. Sarrerak salgai daude oraindik, Iturri-Ondon bertan edo 679-62 89 14 zenbakian —bizum bidez—, 25 euroren truke.
Jarraitu irakurtzen Gipuzkoako Hitzaren webgunean.