137 egun; hau da, lau hilabete eta bi aste eskas. Denbora hori igaro da Tolosako Usabal kiroldegia itxi zutenetik. Bertako langileek greba hasi zuten, kiroldegia kudeatzen duen azpikontratatutako BPXport enpresak uko egin ziolako haien lan baldintzak hobetzeari; gatazka konpondu arte kiroldegiak ezingo du aterik ireki. Joan den ikasturte amaieran hasi zuten greba eraikineko 31 langileetatik 29k, eta “nola edo hala” moldatu ziren orduan kiroldegiko erabiltzaileak eta kirol ezberdinetako klubak. Iraila hastearekin batera, ordea, konponbide bat eskatu dute herritarrek. Ez da Gipuzkoan halako gatazka bat dagoen lehen aldia; azken urtean Urnietan, Zarautzen eta Irunen izan dira arazoak enpresa pribatuek kudeatutako kiroldegietan.
Jarraitu irakurtzen Gipuzkoako Hitzaren webgunean.