Galtzaundiko eta Euskaltzaleen Topaguneko lehendakari Kike Amonarrizek ere duela egun batzuk idatzitako iritzi artikuluan azpimarratu zuen hitzordua: “Maiatzaren 21ean Gazte Euskaltzaleen Sareak bultzaturiko Euskara aurrera manifestazioan elkartuko gara Donostian, gazteek erakutsi duten aktibazio-nahia sustatuz”. Galtzaundi Euskara Taldeak ere bat egiten du euskalgintzako eragileen deiarekin eta Tolosaldeko euskaltzaleak animatu nahi ditu Donostiako manifestazioan parte hartzera.
Gazte Euskaltzaleen Sareak deituta, Euskara aurrera euskararen aldeko egitasmoa aurkeztu zuten apirilean hainbat euskaltzale ezagunek Donostian. Maiatzaren 21erako manifestazioa deitu zuten eta larunbat honetan, 17:30ean, ekingo dio ibilbideari manifestaldiak Donostiako Antiguako tuneletik. Aurreko astean, euskalgintzako dozena bat eragilek ere bat egin zuten mobilizazioarekin, euskararen normalizazio prozesuak bultzada eta belaunaldi berriak behar dituela argudiatuta.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!