2021. urteko bigarren saioa egingo du, ostegun honetan, Galtzaundiren irakurle taldeak. Oraingo honetan, Oier Guillan idazle donostiarraren VHS eleberria landuko da eta Guillan bera ere gerturatuko da hitzordura, irakurleekin batera iritziak partekatzeko. Hitzordua 19:00etan hasiko da Tolosako kultur etxean, eta ohiko moduan Yurre Ugartek dinamizatuko du.
Hitzordua guztiz irekia bada ere, saioan parte hartzeko beharrezkoa da aurretik izena ematea. Horretarako, Galtzaundiren webguneko galdetegia bete behar da, eta ondoren, emailez bidaliko dira saioan parte hartzeko jarraibideak. 10 laguneko muga jarri da saioan.