Datorren astean, Albizturren eta Orexan izango gara Galtzaundi Euskara Taldeko kideak. Bi galdera formulatuz herriko eta eskualdeko euskararen egoerari buruz hausnartzea izango da saioen helburu nagusia: Posible al da gure inguruan euskaraz bizitzea? Euskaraz bizi al gara?
Bi galdera horiek erantzuteko asmoz, euskarak Tolosaldean eta gure herrietan duen egoeraz hitz egingo dute Galtzaundiko kideek. Orexaren kasuan, UEMAko kideen laguntza ere izango dugu saioan. Hitzaldian bertan, Hizkuntza Erabileraren Kale-Neurketak eskualde mailan eta herriz herri emandako azken emaitzak azalduko dira eta 2018an martxan jarriko den Euskaraldia egitasmoari buruzko xehetasunak ere aipatuko dira.
ALBIZTUR
Eguna: Maiatzak 24, osteguna
Ordua: 18:00
Lekua: Udaletxeko aretoa
OREXA
Eguna: Maiatzak 25, ostirala
Ordua: 21:30
Lekua: Udaletxeko ganbara