Herrigintzaz, irrigintzaz eta euskal sormenari buruz hitz egingo dute, beraien arteko elkarrizketaren bidez. Elkar-elkarrizketa izango da, beraz. Hitzordua Zerkausiko azpialdean, TAK arraun klubak duen gunean, izango da, 11:00etatik aurrera.
Joxe Mari Agirretxek (Lasarte-Oria, 1964) eta Aiora Zulaikak (Lasarte-Oria, 1975) Pirritx, Porrotx eta Marimotots pailazo hirukotea osatzen dute Mertxe Rodriguezekin batera. Pailazo taldea 1987. urtean jarri zuten martxan Lasarte-Orian euskara sustatzeko asmoz.
Euskal pailazo talderik ezagunena da gaur egun eta hizkuntzarekin harremana duten hainbat eta hainbat proiektutan parte hartu izan dute, nola norbanako, hala taldean.