Dagoeneko eskualdeko hainbat herri pasa ditu Galtzaundiren Euskaraz bizi a(ha)l gara? hitzaldi zikloak. Datorren astean, beste lau herriren txanda izango da.
Euskarak Tolosaldean eta gure herrietan duen egoeraz hitz egingo dute Galtzaundiko kideek, ondorengo bi galderei erantzuteko asmoz: «Posible al da gure inguruan euskaraz bizitzea? Euskaraz bizi al gara?».
Alegian, otsailaren 26an, 19:00etan, kultur etxean egingo da. Altzon, otsailaren 27an, 19:00etan, udaletxean. Ibarran, martxoaren 1ean, 19:00etan, kultur etxean. Eta Iruran, martxoaren 1ean ere, 19:00etan, herri eskolaren eraikinean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
