Herri Urratsera autobusez
Datorren igandean, maiatzak 10, Senpereko lakuan egingo den Herri Urratsera autobusez joateko aukera dago Tolosaldetik. 09:30ean, Tolosako zezen plazatik abiatuko da eta Anoetako Apaetxe baserrian, Irurako ikastolan eta Villabonako eliza parean egingo ditu geldialdiak. Senperetik bueltan, berriz, 19:30ean abiatuko da. Autobusean joateko, ondoko lekuetan eman behar da izena:
- Tolosan, Galtzaundin.
- Anoetan, Itzuli tabernan edo Herri Ikastolan.
- Iruran, ikastola berrian.
- Villabonan, Amasa kafetegian.
Joan-etorriagatik ordaindu beharrekoa ondokoa da: 10 euro atarikideek eta 12 euro gainontzekoek. Goazen!
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!