Egunerokotasuna euskaraz bizi duen pertsona batek eta euskaraz hitz egiteko beharra duten 3-4 lagunek osatutako taldeak osatzen dira. Paseoan ibiltzeko, kafea edo tea hartzeko edo haurrekin jolas parkean egoteko aitzakian egiten dira euskara praktikatzeko hitzorduak. Izan ere, euskara praktikatzetik haratago, lagun berriak egin eta aisialdiko ekimenetan parte hartzeko aukera eskaintzen du Mintzalaguna egitasmoak.
Euskaraz bizi zara eta, LAGUNTZEKO PREST?
Helburua ez da irakasle funtzioa betetzea, euskaraz hitz egiteko beharra dutenekin hitz aspertuan aritzea baizik. Elkarrizketa horietan hainbat zalantza sortuko zaizkie euskaraz hitz egiteko beharra dutenei eta, hiztunak, berak, naturaltasunez, nola esango lukeen adierazi besterik ez du egin behar.
Informazioa eta izen ematea, Galtzaundi euskara elkartean :
- Nafarroa etorbidea 6, Tolosa.
- 943 655 004
Tolosan, jada, 10 talde sortu dira 2014 / 2015 ikasturterako. Zuretzako eta zure lagunentzako oraindik ere bada lekurik. Animatu!