Pintxo pote eguna aitzaki, datorren ostegunean, hilak 6, 19:00etan, Tolosako Trianguloko kultur etxeko sarreran egin dute hitzordua Mintzalaguna egitasmoan parte hartzen ari diren hainbat lagunek. Euskaraz hitz egiteko beharra dutenak eta euskaraz hitz egiteko jarioa dutenak elkartzen dira Mintzalaguna egitasmoaren baitan. Euskara praktikatzeko edo euskaraz hitz egiteko beharra dutenei eskua luzatzeko helburuarekin egitasmoa bertatik bertara ezagutu nahi duenak aukera aparta du ostegunean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!