Tolosatik Izaskunera, gure leku, deitura eta pertsona izenen historiaren berri emango du Euskaltzaindiako Onomastika zerbitzuko arduradun Mikel Gorrotxategik urriak 30 asteazkenean, 19:30ean, Udaleko pleno aretoan eskainiko duen hitzaldian.
Tolosako Udaleko Hizkuntza Politika eta Hezkuntza Batzordeak antolatu du hitzaldia eta, bertan, Tolosako izenen nondik norakoen berri emango da, esaterako, Tolosa hiriaren izenaren jatorriaren eta zergatiaren berri emango du.
Deitura bihurtu diren baserri izenez, toponimo izatetik pertsona izenak izatera pasatu direnez, euskaldunak geure burua izendatzeko erabiltzen ditugunaz... ere hitz egingo du.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
