Gure institutu eta unibertsitate publikoen degradazioa gero eta handiagoa da egunetik egunera, pribatu eta itunpekoek dirulaguntzetan milaka milioi euro jasotzen dituzten bitartean. Eta egoera hori salatzeko eta gure eskubideak defendatzeko kalera ateratzen garenean, poliziaren kolpeekin egiten dugu topo. Hauxe da, kapitalisten etekinak gure bizitzen gainetik jartzen dituen sistemaren logika, milioika gazte prekarietatera kondenatzen dituena, miseriazko soldatetara, etxebizitza duin bat eskuratu ezin izatera, errentatzaileen diktadurak eragozten duelako, eta egunero arrazakeria, militarismoa, eta faxismoa elikatzen dituena.
Eskuin muturraren mehatxua oso argia da. Emakumeen, LGTBI kolektiboaren eta pertsona migratzaileen askatasun demokratiko eta lan-eskubideekin amaitzea da euren asmoa. Diktadura frankista faltan botatzen duten berberak dira, Trumpen eta Netanyahuren politika totalitarioak babesten dituztenak, Palestinako herriaren aurkako genozidioa justifikatuz.
Baina sistemak eramaten gaituen basakeriari aurre egin nahi badiogu, traizionatzen diren diskurtso eta promesak baino askoz gehiago behar da. Kapitalismoa ezin da erreformatu, eta PSOEren Gobernua kontrakoa sinestarazten saiatzen bada ere, bere politikek hezkuntza eta osasuna pribatizatzen jarraitzen dutela, zerbitzu publikoak degradatzen, historiako aurrekontu militar handienak onartzen dituzten bitartean.
Hezkuntza publikoaren aldeko eta errepresioaren, militarismoaren eta haien gerra eta faxismoaren aurkako borrokak denok inplikatzen gaitu. Etorkizuna lapurtu ez diezaguten, A20 honetan ikasle greba europarrera goaz.
Denok mobilizazioetara 12etan!