Gizartea eraldatzeko borrokan ari garenok espazio horien beharra aldarrikatzen dugu, baita borrokan jarraitzearen beharra ere, bereziki eskuin muturra mundu osoan indartzen ari den honetan. Mundu osoko gazteriak eta langile klaseak aurrean dituen mehatxuak oso larriak dira. Palestinar herriaren aurkako genozidioa, eskuin muturraren eta autoritarismoaren gorakada -AEBetan ICEren inpunitatearekin ikusi dugun bezala-, militarismoaren eta polizia-errepresioaren gorakada, arrazakeria, indarkeria matxista… Horixe eskaintzen digu sistema honek, eta horren guztiaren aurka milioika lagun altxatu gara behin eta berriz.
Genozidio sionistaren aurkako mugimendu internazionalista eta nazioartekoa, AEBetako mobilizazio jendetsuak, Hego Euskal Herrian martxoaren 17ko greba orokorra”. Hau da bidea! Antolatu zaitez eta borrokatu Euskal Herri sozialista baten alde.
Zure zain izango gaituzu Portugaleteko Liburu, Fanzine eta Material Politikoaren Azokan irailaren 25ean, 26an eta 27an. Ez galdu aukera!