Fiskaltzak bi urteko kartzela-zigorra eta kazetaritzan aritzeko beste horrenbesteko inhabilitazioa eskatu du Vito Quilesentzat, eta beste 18 hilabete Javier eta kazetaritzan aritzeko antzeko inhabilitazioa Negrerentzat. Gainera, eragindako kalteak 8.000 eurokoak direla kalkulatu du, eta egun bateko epean kopuru horretako fidantza jartzeko eskatu du, dagozkion erantzukizunak ziurtatzeko. Bestalde, Emakume Aske eta Borrokalarietatik 4 urte eta 6 hilabeteko espetxe zigorra eskatzen dugu bientzat, eta dagozkion inhabilitazio zigorrak.
Bi probokatzaile ultraeskuindar hauek gure erantzun irmoarekin egin dute topo. Baina ez dugu ahaztu behar inpunitatez jokatzen jarraitzen dutela, ezkerreko ordezkariak, gizarte-ekintzaileak eta kazetari konprometituak egunez egun jazartzen dituztela, eta unibertsitate publikoetan birak antolatzen dituztela beren gorroto-diskurtso faxista zabaltzeko. Desokupako matoi naziekin eta ekintza probokatzaileetan haien bizkartzain gisa kontratatzen dituztenekin kooperatzen duten norbanakoak dira, PP eta Voxen finantziazio erraldoiarekin haien ahots mediatikoa bihurtu dira.
Emakume Aske eta Borrokalarietatik argi esan genuen dena emango genuela “pseudokazetari” nazkagarri hauek gure kidea den Violetari iseka egin ziotenean eta iraindu zutenean, emakume bikaina da eta bai, dibertsitate funtzionala du, eta eredu da emakume guztiontzat, egunero erakusten baitigu ez dagoela sistema honen miserien aurka borrokatzeko duen borondate urraezina indargabetzen duen zailtasunik.
Zalantzarik gabe, miserable hauek akusatuen aulkira bidaltzea albiste handia da. Baina badakigu ultraeskuindarrei, eta probokatzaile hauei, zerbaitek kolpatzen baditu mobilizazio soziala dela, kaleetako borroka, eta haiek garaitzeko bide bakarra antolakuntza dela. Horregatik, epaiketaren data dakigunean ekintza berriak iragarriko ditugu kondena eredugarri bat lortzeko. Atzerapausorik ez! Faxismoari ez zaio eztabaidatzen, aurre egiten zaio!
