Otsailaren 12tik 16ra Plaza Berrian
Ezker Iraultzailea - Euskal Herria Sozialistak, Tolosako Txozna Batzordeko gainontzeko eragileekin batera, Plaza Berriko txoznetara gerturatzera gonbidatzen zaituztegu, datorren otsailaren 12tik 16ra
Gizartea eraldatzeko borrokatzen dugun eragileok jai eremu osasuntsu eta borrokalari hau sortzen dugu, klase mugimendu antifaxista eta sozialista handi baten eraikuntza ospatu eta aldarrikatzeko
Eskuin muturraren mehatxua munduan, ICEren zigorgabetasuna AEBetan, herri palestinarraren aurkako genozidio sionista, indarkeria matxista eta totalitarismoa gerra eta zapalkuntza besterik eskaintzen ez digun krisian dagoen sistema baten ondorioa da. Baina beste aldea ere ikusten dugu: indartsu erantzuten duten langile klasearena eta gazteriarena. Palestinako herriarekiko elkartasun mugimendu handian ikusten dugu, AEBetan Trumpen aurkako greba eta manifestazio jendetsuekin, eta Euskal Herrian eta Espainiako Estatuan ikusi dugu milaka gazte antifaxisten mobilizazioekin. Hau da bidea! Ez dago denbora galtzerik. Antolatu eta borrokatu Euskal Herri sozialista baten alde.
Animatu eta etorri Tolosako txoznetara!
Festa bai, borroka ere bai!
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!