Basakeria hau modu lazgarrian adierazten den tokia Gaza da. Israelgo Estatu nazisionistak AEB eta Europar Batasunaren konplizitatearekin egindako genozidioa ehunka mila palestinar sarraskitzen ari da Gazan eta Zisjordanian, ospital maternoak bonbardatzen eta bizitzeko edozein aukera suntsitzen.
Emakume Aske eta Borrokalariak argi eta garbi esaten dugu: ez da posible genozidio baten aurrean neutralak izatea, ezta genozidetatik bertatik datorren bake planik sinestea ere. Defendatzen dugun feminismoa emakume langileona da, gazteona, migratzaileona, herri zapalduen alde kokatzen den feminismo iraultzailearena. Auzi palestinarra kapitalismoaren, inperialismoaren, arrazakeriaren eta faxismoaren aurkako gure borrokaren parte da.
Datorren azaroaren 25ean berriro ere kaleak beteko ditugu Euskal Herrian. Indarkeria matxistaren aurka, genozidioaren aurka, zigorgabetasunaren aurka, gorroto diskurtsoen aurka. Erasoaldi atzerakoi honen aurrean aterabide bakarra antolatzea, elkarrekin borrokatzea eta mugimendu feminista indartsu, borrokalari, antikapitalista eta antifaxista eraikitzea da.
Matxismoaren, murrizketen eta gure eskubideen aurkako erasoen aurrean, gorrotoaren eta eskuin muturraren aurrean, mobilizazio gehiagorekin erantzuten dugu. Asteartean, denok mobilizazioetara. Gure indarra kaleetan dago.
Bat egin feminismo iraultzailearekin!
MOBILIZAZIOAK 12etan
- Bilbo: Udaletxean
- Gasteiz: Andra Mari Zuria
- Donostia: Bulebarretik
ARRATSALDEAN DENOK MUGIMENDU FEMINISTAREN MOBILIZAZIO BATERATUETARA!