Zortzi bikotek hartu dute parte Mus Txapelketan eta bederatzik Punttuan. Arratsalde osoan aritu dira karta jokalariak eta, azkenean, musean Kike eta Haritzek jaso dute sari nagusia Iñaki eta Aitor lehengusuei irabazita; punttun , berriz, Xabier pareari irabazi diete Joxejoakin eta Harkaitz aita-semeek.
Afarian berrogeita bost bat lagun bildu gara eta, afariaz ez ezik, Ane Labaka eta Oihana Iguaranen bertso saioaz gozatu dugu. Ordubete pasa aritu dira kantuan eta erakutsi digute ze mailako bertsolariak diren.