Euskal Herrian Euskaraz-etik eraso euskarafobiko honi, eta Euskal Herrian gertatzen diren guztiei erantzun sendoa ematera deitzen ditugu herritar euskaldun eta euskaltzale guztiak. Euskararen eta euskaraz bizi nahi dugunon aurkako erasoak biderkatzen ari diren honetan, harrotasunez eta tinkotasunez erantzun behar dugu, kaleetan mobilizatuz eta euskararen etsaiak nortzuk diren agerian utziz. Tamalez oraindik euskaldunok ezinbestekoa dugu gure autodefentsa.
Dirudienez Renfeko segurtasun agenteak Tolosan egindako erasoak ez du inolako ondoriorik izan eta hori onartezina da. Ekintza euskarafoboen inpunitatearekin amaitu beharra dago eta EHEtik gure eskuetan dagoen guztia egiteko prest gaude horretarako.
Ez gaituzke kokilduko, euskaldunak gara, euskaraz bizi nahi dugu eta inposatzaile erdaldun euskarafoboen gorrotoari hortzak erakutsiko dizkiogu!
Ostegunean 19:00etan, zatoz gurekin Tolosako tren geltokira!