Gurea udalerri euskalduna da eta ez dugu onartzen gaur egun oraindik erdara hutsean dauden iragarki, kartel, panel, errotulu edota seinaleak egotea gure kaleetan edo espazio publikoan. Egora hau onartezina iruditzen zaigulako, Euskal Herrian Euskaraz-ek antolatutako Harrotze Aste honetan, erdaraz ikusten duguna ezabatuko dugu, ekintza hori herriko hizkuntza paisaia euskaldutzeko neurri eraginkorrak aldarrikatzeko, ekintza zuzen edota borroka-molde gisa ulertuz.
Azken aldian gero eta gehiago ikusten ditugu erdara hutsean dauden euskarriak kaleetan eta atzerazko tendentzia hori apurtzera goaz. Herri euskaldunetan euskara nagusi izatea ezinbestekoa da gure hizkuntza normalizatu dadin, eta behingoz euskadunon hizkuntza eskubideak errespeta daitezen.
Euskaldunak gara, harro gaude, eta euskaraz bizi nahi dugu!
Gora Euskal Herria euskaduna!