Billabona FKE klubak bere eguna ospatuko du, bihar larunbata, egun osoan zehar. 10:00etan txupinazoa botako dute, eta ondoren, 10:30ean, futbol jolasak egingo dituzte Errebote plazan. 12:00etan txarangarekin kalejira egingo dute, eta 13:30ean bazkariko lekuen esleipenarekin hasiko dira. 280 pertsona elkartuko dira bazkarian. 17:00etan ekitaldia izango dute, eta ondoren festa musikarekin.
Bihar ere txapelketentzako tartea izango da. Izan ere, Billabonako 2013ko taldea Lasarten egongo da Jose Martija torneoan, Martutene, Racing de Santander eta Eibarrekin sailkapen taldean. Horrez gain, 2012ko taldeak Danenaren alebinen torneoan parte hartuko du.