2021 denboraldi hasierako futbol festa, urriaren 13tik 17ra

Erabiltzailearen aurpegia

Ikasturteari hasiera emateko asmoz antolatu da festa, asteazkenean hasiko da Zuhaitz Gurrutxagaren FutbolisTOK bakarrizketarekin eta asteburuan 4x4 futbol festa antolatu da ekintza nagusi gisa. Klubeko taldeen aurkezpenak ere larunbatean izango dira.

Futbola Arratzaindik herrira jaitsi eta herritarrei hurbiltzea da helburu nagusia. Denboraldi honetan klubeko federatuen 8 talde izango dira jokatzen maila ezberdinetan eta futbol eskolan, berriz, 130 ikasle inguru. Urriaren 13tik 17ra egingo den Futbol Festarekin jokalari guztiak aurkeztuko dira.

Asteazken arratsaldean, urriaren 13an, Zuhaitz Gurrutxaga etorriko da bere bakarkako bigarren lana den FutbolisTOK aurkeztera. Ikuskizun honetan, Futbolista baten Konfidentziak, eta umorez beteriko hainbat esperientzia kontatuko ditu. Gurea Antzokian izango da arratsaldeko 19:00etan eta sarrerak aurrez online edo egunean bertan Gurea antzokiko lehiatilan eskura daitezke.

Larunbatean txikienek, 4x4 Futbol Festan gozatzeko aukera izango dute. Goizeko 9:30ean hasita Errebote plazan egongo diren bi zelaitan jokatuko dira partidak eta finalak arratsaldeko 18:30ean izango dira. Parte hartzaileen artean Amasa-Villabonako Oria merkatari elkarteak emandako hainbat produkturen zozketak egongo dira. Lehiaketan 5 urtetik 11 urte bitarteko herriko nahiz inguruko herrietako haurrek parte har dezakete. Horretarako aurreizena eman beharko da Basajaun liburudendan, Eizmendi kiroldendan, Kazetarian, Albisu Kiroldenda edo online inprimakian. Parte hartzeko baldintzak eta araudia hemen irakur daitezke. 

Eguerdiko 12:30ean, 17an larunbatean, Billabona F.K.E. osatzen duten jokalari guztien taldekako aurkezpen ekitaldia ospatuko da Errebote plazan. Azkenik, larunbat arratsalde eta igande goizean zehar federatuen partidak jolastuko dira Arratzain futbol zelaian. 

Helburua herrira hurbiltzea denez, herritar guztiak gonbidatu nahi ditugu gurekin parte hartu eta futbolaz gozatzera. Aupa Billabona!!

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!