Gauez iritsi ginen Bahia Blancara eta euskal etxearen inguruko gazte koadrila batek hartu gintuen quincho edo txokoan. Afari-aitzakian ezagutu genuen euren dantza taldea, mugimendua eta ikuspegia.
Ez genuen denbora handirik eurei eskaintzeko, eguerdia baino lehen berriz bidean jarri behar genuelako. Hala ere, goizean euskal etxea ezagutu ahal izan genuen eta gazteen eskariz, pilota ikastaro azkar bat jaso zuten gure pilotarien esutik. Takoak jartzen ikasi eta trinketera jo genuen, pilotakadak matearekin tartekatuz.
Bisita azkarra izan zen baina behintzat beste eredu bat ezagutu genuen. Orain arteko pilota ikastaro bakarrak ere ilusioa piztu zuen eta amets batekin abiatu ginen Viedmarantz: hemen ere eskuzko pilota ezagutarazi eta lantzea.
Oso bisita laburra izan zen gure deskantsuaren mesedetan eta harrigarria da ordu gutxi batzuetarako ere jendea nola dagoen prest bere etxea eskaini eta daukana emateko.
Oihana Iguaran
