Oier Zubeldia mendi korrikalariak (Amezketa, 2000) bere herriko plazan egin du hitzordua kazetariarekin. Lanetik atera berri iritsi da, irribarretsu. Txindokiren itzalean izan da elkarrizketa, beraz, lehen mendi lasterketa jokatu zuen mendiaren babesean. Begiak ñir-ñir egiten diote hari begira jartzen denean.
Lasterketa batzuk jokatu dituzu jada. Nolakoa ari da izaten denboraldi hasiera?
Denboraldia Garingo mendi lasterketan abiatu nuen, urtarril hasieran, Beasainen [Gipuzkoa]. Hiru urte daramatzat sasoia han hasten. Denek ezagutzen dugu elkar, eta oso gustura korritzen dut. Ondoren, Bedian [Bizkaia] Euskal Herriko Txapelketa jokatu aurretik, Hernioko igoeran hartu nuen parte. Hiru lasterketak irabazi nituen, eta oso sentipen onak eduki nituen korrika. Gainera, Euskadiko Kopako lehen postuan jarri nintzen. Jokatutako azkena, aldiz, Munduko Kopako proba bat izan da, Calamorro Skyrace [30 kilometro, +2.200 metro], Benalmadenan [Espainia]. Hori beste kontu bat izan zen!
Jarraitu irakurtzen Berria.eus webgunean.