Irribarretsu iritsi da elkarrizketara Nerea Eizagirre Realeko jokalaria (Tolosa, 2000). Hotz egiten du kanpoan, eta elkarrizketa bideo gelan izan da. Entrenamendua amaituta, ondoren Zubietan bertan bazkalduko dute jokalariek. Baina patxada hartu du galderei erantzuteko. Talde txuri-urdinak gaur jokatuko du Atletico Madrilen zelaian (12:00, DAZN). Beste bi euskal taldeek ere gaur dituzte neurketak. Alhamaren zelaian jokatuko du Eibarrek (12:00, DAZN), eta Levante Badalona hartuko du Athleticek (15:00, DAZN).
Gaur ekingo diozue berriro ere ligari. Hirugarren tokian zaudete sailkapenean, 30 punturekin. Zein izan da lehen itzulian hain ondo aritzeko gakoa?
Erregularrak izatea. Lehen bi hilabeteetan oso ondo aritu ginen: ondo jokatu genuen, partida asko irabazi genituen, gol asko sartu genituen... Azken bi hilabeteetan, aldiz, ez dugu hain ondo jokatu. Jokalari asko egon gara min hartuta; aurkariek gehiago ezagutzen gaituzte, eta hori nabaritu egiten da. Baina irabazten eta puntuak biltzen jarraitu dugu. Orain jokalari guztiak sasoiko gaude, eta espero dugu berriro ere denboraldi hasieran bezain ondo jokatzea.
Jarraitu irakurtzen Berria.eus webgunean.