Lurrikara bat antzeman dute bart gauean Araban. Espainiako Institutu Geografikoak jakinarazi duenez, dardara lau gradukoa izan da Richter eskalan, eta Iruña Okan izan du epizentroa. 00:10 aldera gertatu da lurrikara, eta Gasteizen eta Arabako herri ugaritan nabaritu dute, baina baita Bilbon, Nafarroako Erriberan edota Tolosaldean ere.
Eusko Jaurlaritzak ordu bata pasa zirela eman du gertatutakoaren berri, eta jakinarazi du, ordura arte bildutako informazioaren arabera, ez dela inor zauritu eta ez dagoela ondasun materialik kaltetuta. Lurrikara jazo ondoren 143 dei erregistratu dituzte Eusko Jaurlaritzaren Larrialdiak Koordinatzeko Zentroan. Gobernuak gaineratu du ez duela erreplikarik espero, eta egongo balira ere txikiagoak liratekeela, herritarrentzat «hautemanezinak» izateraino. Era berean, SOS Deiek lasai egoteko eskatu diete herritarrei, eta informazioa soilik bide ofizialetatik jasotzeko.
Jarraitu irakurtzen Berria.eus webgunean.