Jokin Altunak eta Iñaki Artolak igandean jokatuko dute Buruz Buruko Txapelketako finala, Bizkaia pilotalekuan. Gaur hasi dira, ordea, finala jokatzen, goizean aukeratu baitituzte finalean erabiliko dituzten pilotak. Bakoitzak bi aukeratu ditu, eta lanak egiten lehena Altuna III.a izan da. Pilota «onak» direla adierazi du, eta hautatutakoak «gustukoak» dituela. Artolaren txanda izan da ondoren. Hura ere gustura geratu da: «Aitzakiarik ez daukat; egokiak dira».
Biek nabarmendu dute «antzekoak» aukeratu dituztela, eta motelenak poltsan geratu direla. Altunari gustatu zaizkio Artolak apartatu dituen pilotak, ez baitago alde handirik berari eta Artolari gustatzen zaizkien piloten artean. Artolak, berriz, azpimarratu du azkenaldian darabiltzaten piloten «oso antzekoa» aukeratu dituztela biek.
Jarraitu irakurtzen Berria.eus webgunean.
