Profesionaletan debuta egin eta zortzi urte eskasera jokatuko du banakako lehenengo finala Jon Ander Peñak (Tolosa, Gipuzkoa, 1997). Bigarren Mailan finalak jokatu baditu ere, etziko partida «izugarri berezia» izango dela uste du. Sanferminetako lau eta erdiko finalean ariko baita, Nafarroa Arenan, Jokin Altunaren aurka.
Sanferminetako lau eta erdikoa txapelketa ofiziala izan ez arren, orain arteko partidarik bereziena izango al da zuretzat?
Berezienetakoa, behintzat, bai. 2021ean binakako finala jokatu genuen Jon Ander Albisuk eta biok, eta hura ere egun handia izan zen, baina bakarka final batean egoteak beste zerbait pizten du. Ume-umetatik telebistan ikusi izan dut sanferminetako lau eta erdiko finala, idolo izan ditudan pilotari guztiei gertutik jarraitu izan diet, eta orain ni neu egotea egoera horretan izugarria da. Sanferminak beti lotu izan ditut entzierroekin eta uztailaren 7ko final horrekin, eta ilusioz gainezka nago partida iristeko.
Jarraitu irakurtzen Berria.eus webgunean.