Ertzaintzak jaurtigai bat erabilita adingabe bat zauritu izanak beste behin ekarri du hizpidera poliziek istiluetarako erabiltzen duten materiala. Eta, foam jaurtigaiez harago, datuek erakusten dute nabarmen handitu dela Eusko Jaurlaritzak muniziorako erabilitako diru kopurua. Aurtengo aurrekontuetan 1,4 milioi euroko diru sail bat gorde du Segurtasun Sailak muniziorako —aurrekontuetan ez dira bereizita ageri munizio motak—. Hazkundea nabarmena da 2020ko datuarekin alderatuta; urte horretako aurrekontuan, 620.000 euro gorde zituen Jaurlaritzak, eta, beraz, lau urtean %138 handitu dira bala, foam eta abarretarako sosak.
2020tik 2023ra, Jaurlaritza urtez urte handituz joan zen muniziorako diru saila; 620.000 eurokoa zen 2020an; 894.553 eurokoa 2021ean, eta 1.355.126 eurokoa 2022an. Goia iaz jo zuen: 1.692.101 euro xahutu zituen material horietan, hiru urte lehenagoko gastua baino milioi bat gehiago. %173ko hazkundea da hori. Iaztik aurtengo kontuetara, ordea, %13 murriztu da gastua, 1.476.460ra.
Jarraitu irakurtzen Berria.eus webgunean.