Gardentasuna eta ekimena. Eusko Jaurlaritzako Segurtasun sailburu Josu Erkorekak bi ideia horiek helarazteko ahalegin handia egin du gaur, Tolosako inauterietan, Ertzaintzaren oldarraldi batean, begi batean larri zauriturik gertatu zen gaztearen auziari loturik. «Hasiera-hasieratik Ertzaintza bera izan da istilu horien berri eman duena, gardentasun osoz, mundu guztiaren aurrean, astelehen goizean bertan, beste inoren salaketen esku utzi gabe».
Erkorekak nabarmendu du Ertzaintzak «bere kabuz eta gardentasunez» eman zuela istiluen berri, eta ireki zuela ikerketa. «Ertzaintza bera izan da ikertzeari ekin diona, hasierako diligentziak ireki dituena, inoren salaketaren zain egon gabe, eta aurrera doa ikerketa». Gainera, Tolosako epaileari mediku forentse bat izendatzeko eskatu zion, azaldu duenez, gazte zaurituaren azterketa egin zezan, eta bere ebazpena eman zezan, «zehaztuz zauriak zer nolakoak diren, zer neurrikoak eta zein jatorri duten, eta zer nolako ondorioak izan ditzaketen».
Jarraitu irakurtzen Berria.eus webgunean.