Tolosaldeko pilotarien goraldiaren lekuko da Lau eta Erdiko Txapelketa. Finalerdietan arituko diren lau pilotarietatik hiru dira Gipuzkoako eskualde horretakoak: Amezketakoa da Jokin Altuna, Lizartzakoa Erik Jaka, eta Tolosakoa Jon Ander Peña. Hamar kilometro eskasean bizi dira hirurak.
Kalitatez ez ezik, kantitatez ere handia da Tolosaldearen ordezkaritza. Altuna III.az, Jakaz eta Peña II.az gain, beste bost pilotari ari dira profesionaletan: Iñaki Artola alegiarra, Xabi Tolosa anoetarra, Iker Elizegi asteasuarra, Martxel Iztueta tolosarra eta Gorka Ugartemendia alkizarra. Zortzi dira Aspen eta Baikon ari diren 42 pilotarietatik; %19 da. Datu bikaina da 50.000 biztanle eskas eta 332 kilometro koadroko zabalera duen eskualdearentzat. Ez du parekorik.
Jarraitu irakurtzen Berria.eus webgunean.