Donostialdea eta Bidasoa-Oiartzun hautesbarrutietako udalerri guztietan berriz ari dira egiten udal eta foru bozetako botopaperen zenbaketa, Donostialdeko Hauteskunde Batzordeak hala aginduta. Azaldu dutenez, Stop alderdiak jarritako errekurtso bat da arrazoia, eta hamalau udalerriri eragin die: Aduna, Astigarraga, Donostia, Errenteria, Hernani, Hondarribia, Irun, Lasarte-Oria, Lezo, Oiartzun, Orio, Pasaia, Urnieta eta Usurbil.
Stop+Auzokraziaren arabera, aurreko ostiralean Donostialdeko Hauteskunde Batzordeak ez zuen «behar zuen lana egin», datuen bidalketa egiaztatzerakoan. Hala, alderdiak errekurtso bat aurkeztu zuen prozesua berriz egin zedin. Gaur, hura onartu du batzordeak, eta kontaketa berriz egitea erabaki dute. Alderdiak beste bi errekurtso ere aurkeztu zituen Bizkaian: zenbaketa batean ordezkaritza izatea galarazteagatik eta 11 aktatan topatutako ustezko irregulartasunengatik.
Jarraitu irakurtzen Berria.eus webgunean.