Zuzenbide Fakultateko irakasle titular eta Unibertsitateko Elkarteko eta 2030 Agendako errektoreorde Juan Jose Etxeberria (Tolosa, Gipuzkoa, 1966) Deustuko Unibertsitateko errektore izendatu dute. Jose Maria Guiberten lekua hartuko du, horrek bere hirugarren eta azken agintaldia bukatu ondoren. Guibert irakasleak Boston Collegeko Gasson Chair postua beteko du 2023-2024 ikasturtean.
Errektore berriaren kargu hartzearen eguna laster jakinaraziko dute. Etxeberria 1984an sartu zen Jesusen Lagundian eta 1995ean apaiztu zen. Bere prestakuntza akademikoa Deustuko Unibertsitatean, Pariseko Institutu Katolikoan eta Erromako Gregoriar Unibertsitatean egin zuen. Azken unibertsitate horretan Zuzenbide Kanonikoan doktoratu zen.
Jarraitu irakurtzen Berria.eus webgunean.