Zenbait urtez jaioterriko gizonezkoen lemazain laguntzaile aritu ostean, Izaro Lestayok (Getaria, Gipuzkoa, 1998) Euskotren ligara itzultzea hobetsi du aurten. Gustura ari da urdinekin osatzen ari den estreinako hilabeteetan.
Berriz ere emakumezkoen arraunera bueltatu zara. Zergatik hartu duzu erabaki hori?
Ez dut kontuan hartu emakumezkoen edo gizonezkoen taldea den. Arraunera itzuli nahi nuen, eta zenbait aukera izan ditut. Azkenean, Tolosaldera joatea erabaki dut. Arraunerako gogoa nuelako hasi naiz.
Nolatan sortu zaizu Tolosaldean aritzeko aukera?
Badira hiru urte zenbait klubetatik deitu didatela. Iaz Tolosatik deitu ninduten, eta hasieran nire zalantzak izan nituen arren, azkenerako baiezkoa eman nuen.
Jarraitu irakurtzen Berria.eus webgunean.