ELA, LAB, Steilas eta CCOO sindikatuek agerraldia egin dute gaur, hezkuntza lege egitasmoarekin ados ez daudela adierazteko. Mobilizazioak iragarri dituzte: besteak beste, greba orokor bat hezkuntza sistema osoan martxoaren 25erako, Araban; Bizkaian eta Gipuzkoan.
Izan ere, hiru egon geroago, martxoaren 28an bilduko da Hezkuntza Batzordea, eta orduan onartuko dute hezkuntza itunerako behin betiko testua. Testu hori osoko bilkuran onetsi beharko dute gero: apirilaren 7an egingo dute osoko bilkura hori, eta bertan onartuko dute hezkuntza itunaren testu definitiboa. Behin osoko bilkurak dokumentua onartuta, Eusko Jaurlaritzari egokituko zaio –dokumentu hori oinarri hartuta– hezkuntza lege berriaren proiektua idaztea. Lege proiektu hori Eusko Legebiltzarrak bozkatu beharko du ondoren.