Euskaltzaindiak ostiralean onartu zituen euskaltzain urgazle eta ohorezko berrien zerrendak, eta gaur kaleratu ditu. Iruñeko udaletxean egin zuten Osoko bilkura. Urgazleen kasuan ez dira Euskal Herri osoko pertsonak izendatu, Gipuzkoakoak, Ipar Euskal Herrikoak eta Bizkaikoak soilik baizik; baita Euskal Herritik kanpoko batzuk ere. Arabakoak 2015ean izendatu zituzten, eta Nafarroakoak 2016an. Azken ohorezkoak, berriz, 2018an hautatu zituzten.
Hainbat izen ospetsu daude zerrendan eta tartean dira Tolosako Kike Amonarriz hizkuntzalaria eta Asun Garikano itzultzailea. Gizonezkoak 29 dira, eta emakumezkoak 16.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!