Subijanak justizia errestauratiboa lortzea jarri du helburutzat

Erabiltzailearen aurpegia
EAEko Justizia Auzitegi Nagusiaren presidente kargu hartzea, atzo.

Iñaki Subijanak EAEko Justizia Auzitegi Nagusiaren presidente kargua hartu du. Garbiñe Biurrun tolosarrak pasatu dio lekukoa, lan horretan hamar hilabetean behin-behinean aritu ostean.

Iñaki Subijanak EAEko Justizia Auzitegi Nagusiaren presidente kargua hartu du. Pandemiarako «araudi zehatz bat» eskatu die legegileei; auzitegiei, berriz, «argi» azaltzeko erabakien irizpideak. Magistratu progresistak Juan Luis Ibarra ordezkatuko du, hark erretiroa hartu duelako. Kargua hartzeko ekitaldia atzo egin zuten, Bilbon. Bertan, hainbat helburu finkatu zituen; besteak beste, justizia errestauratiboa eta elebiduna lortzea. Subijanak gazteleraz egin zuen hitzaldi osoa; euskaraz egindako hitz bakan batzuk izan ezik.

Bere jardunerako bederatzi xede zehaztu ditu. Justiziak «biktimei eragindako bidegabeko kaltea erreparatzeko ereduen» aldeko apustua egin behar duela iruditzen zaio. Bide horretan, justizia errestauratiboaren alde egin du Subijanak, bai zigor eta espetxe arloan, baita arlo juridiko zibilean, familiarrean, komertzialean, administratiboan eta sozialean ere. Zigor eta espetxe arloan, bi helburu lor daitezkeela uste du: «Pertsonak berriz elkarrekin konektatzeko beharrak betetzea; hala nola eragindako bidegabeko kaltearen erantzukizuna bere gain hartzea eta kalte horren erreparazio materiala eta emozionala, ahalik eta mailarik handienera iritsi arte eta justizia publikoaren aginduak betetzea, eragindako bidegabekeria aitortuz eta horrek eragindako desoreka konponduz».

Jarraitu irakurtzen berria.eus webgunean.

 

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!