"Igande honetatik aitzinera haurrak egunean behin ateratzen ahalko dira, etxetik kilometro batera urrutienez eta goizeko bederatzietatik gaueko bederatziak arte". Pablo Iglesias Espainiako gobernuko presidenteordeak eman ditu gaur haurren ateraldien inguruko xehetasunak.
Haurrak adinez nagusia den guraso edo anai arreba batekin ateratzen ahalko direla nabrmendu du Iglesiasek, eta hiru haur batera ateratzen ahalko direla. Etxetik ateratzerakoan segurtasun distantzia mantendu behar dela oroitarazi du Iglesiasek, ahal dela bi metroko distantzia, eta hori ezin baga gutxienez metro batekoa.
Haurrak kalean jolasten ahalko dutela nabarmendu du Iglesiasek, eta horretarako etxetik materiala ateratzen ahalko dutela, baloia edo patinak erraterako. Hala ere oroitarazi du parkera ezingo dela joan. Landa eremuko haurrak, aldiz, mendi ingurura joateko baimena izango dute baina beti ere distantzia mantenduta eta ordutebez bada.