Bihar milaka langile lantokietara itzuli bezperan, Garbiñe Aranburu LABeko idazkari nagusiak planto egitera deitu du enpresek langileekin euren osasuna bermatzen dela adostu ezean. Agerraldia egin du Aranburuk gaur goizean, eta prebentzio planak adostera deitu ditu enpresariak: "Enpresetan sindikatuekin prebentzio plan bat adostu ezean, jardueraren abiatzea saihesten saiatuko garela, langileak plantora deituz". Zehaztu du lantokietarako itzulera "Confebasken irizpideen arabera egiten bada", ezin dela bermatu langileen osasuna. Gaineratu du, akordiorik ez badago, desadostasunak Osalaekn edo Nafarroako Lan Osasuneko Institutuak eta Lan Ikuskaritzak konpondu beharko dituztela, "arriskurik egon ez dadin ziurtatzeko eta ardurak behar bezala finkatzeko", eta LABek prebentzio planik gabe lanean hasten diren enpresak zigortzea eskatuko duela.
Jarraitu irakurtzen berria.eus webgunean.