Ez da ezer aldatu; 1950eko hamarkadan zegoen bezala jarraitzen du Tolosako (Gipuzkoa) Casa Julian jatetxeak. Atmosfera berbera, jangela berbera eta eskaintza berbera. Bertara sartzea denboran atzera bidaia bat egitea bezala dela diote bezeroek; ez dabiltza oker. Gaur egun, Xabier Gorrotxategi da jatetxearen jabea. Haren aitaren eskutik jaso du lekukoa: Matias Gorrotxategiren eskutik. Hark, berriz, Julianen testigua hartu zuen. Xabier, beraz, jatetxearen gidaritza hartu duen hirugarren pertsona da: belaunaldiartekotasunaren ispilu. Merezimendu, sari eta aipamen asko jaso ditu jatetxeak urte luzeetan. Duela gutxi, adibidez, Repsol gidan izendatu dute: eguzki bat jarri diote. «Harro egoteko moduko lorpena da; polita da jendeak zure lana aitortzea», adierazi du semeak.
Jarraitu irakurtzen www.berria.eus webgunean