Pintorearen unibertso osoa, liburu bakarrean

Erabiltzailearen aurpegia
Pintorearen unibertso osoa, liburu bakarrean
Argazkia: Juan Carlos Ruiz / FOKU

Mikel Lertxundi Galiana arte historialariak Juan Luis Goenaga pintorearen bizitza eta obra aztertu ditu 'Goenaga' liburuan. Artistak hastapenetatik gaur arte izan duen garapena erakusten du lanean

Katalogo solteetan baino ez zegoen jasota, orain artean, Juan Luis Goenaga (Donostia, 1950) margolariaren obra. Bost hamarkadatan «milaka» margolan sortu dituela ekarri du gogora Mikel Lertxundi Galiana arte historialariak, Goenagaren obra aztertu duenak. Eta bere ikerketaren emaitza da Goenaga liburua, Nerea argitaletxeak, Petronorren sostenguarekin, argitaratu berri duena. Margolariaren hastapenetatik gaur egungo lanetaraino, haren bizitza eta ibilbidea jaso ditu bertan ikertzaileak. Lertxundiren testuek ez ezik —euskaraz, gazteleraz eta ingelesez idatzita daude—, 170 bat margolanen argazkiek osatzen dute liburua. Miguel Zugaza Bilboko Arte Ederren Museoko zuzendariak egin dio hitzaurrea.

Urtebete da Lertxundik liburua osatzeko enkargua jaso zuela, eta «benetako erronka profesional» gisa hartu zuela azaldu du, bai artistaren garrantziagatik eta sortzen dion interesagatik, bai bere ikerketa eremua gehienetan XIX. mendeko eta XX. mende hasierako euskal artistak izan direlako. Horiek ikertzeko baliatu ohi duen metodologia bera erabili du orain Goenagaren obra aztertzeko. Batetik, erakusketen katalogoak, artikuluak eta bestelako testuak bildu zituen aurrena. «Prentsak eskaini dion artikulu kopurua deigarria egin zait, hasieratik gainera, hari buruzko lehen testuak 19 urte besterik ez zituenekoak direlako». Hala, liburuaren amaieran 300 bat erreferentzia bibliografiko jasotzea erabaki zuen, lagungarri izan daitezkeelakoan beste ikertzaile batzuentzat. Bestetik, artistarekin hitz egiteko «zortea» izan duela esan du, «orain artean egin ezin» izan duena. Eta liburua osatzeko hirugarren hanka obrarekin aurrez aurre jartzea izan dela azaldu du; hilabeteotan milaka koadro, marrazki eta argazki ikusi dituela. «Liburu honen helburua da Goenagaren 50 urteko ibilbide profesionalaren garapena azaltzea». Asmo horretan, Goenagak berak urteotan plazaratutako gogoetek eta beste ikertzaile batzuek hari buruz esandakoek ere lagundu diotela adierazi du.

Jarraitu elkarrizketa irakurtzen berria.eus-en

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.

Egin Atarikide!