Madrilgo Fiskaltzaren Delitu Ekonomikoen Sailak bost urteko kartzela zigorra eskatu du Xabi Alonsorentzako. Real Madril taldean aritu zen garaian, hiru delitu ekonomiko egitea leporatzen dio futbol jokalariari.
Fiskaltzak zigor bera eskatu du Alonsoren aholkulari Iban Zalduarentzako eta Kardazli Comercio Inbertsio eta Kardazli Comercio Serviços de Consultoria e Investimentos LDA enpresako administratzaile Ignasi Maestrerentzako.
Horrez gain, akusatuetako bakoitzari lau milioi euroko zigorra ezartzeko eskatu du, ardura zibilarengatik. Espainiako Ogasunari 2.032.845 euro ordaintzera behartu ditzatela ere eskatu du; fiskalaren arabera, hori izan baitzen iruzurraren bidez Ogasunari ordaindu gabe utzitako diru kopurua, interesak gehituta.