Egungo hezkuntza sistema «arrotzaren» aurka daudela aldarrikatzeko, Ikasle Abertzaleek mobilizazioak iragarri dituzte martxoaren 21erako. Tolosan (Gipuzkoa) egindako prentsaurrekoan, «kaleak hartzera» deitu dituzte ikasleak: «Gure indar eta haserreak kalera atera eta gure gaitasun propioei gorazarre egiteko eguna izango da». Azaldu dutenez, mobilizazioen helburua ez da izango erakundeei eskari zehatzak egitea, «hezkuntza sistema kapitalista suntsitzen ari direla» erakustea baizik.
Martxoko mobilizazioa hainbat ikastetxetako «dinamikak barnebiltzeko unea» izango dela adierazi dute. Ikasle sindikatuko kideek gogora ekarri dituzte ikasturte hasieratik antolatu dituzten ekintzetako batzuk: «Eunaten (Nafarroa), errebalidak geratu eta ikasle autodefentsa sarea sortu; Arrasateko ikastolan (Gipuzkoa), greba eskubidearen aldeko borroka; Gasteizen, herri eskolak; Tolosaldean, ikasle gelaren aldeko borroka; Gernikan (Bizkaia), txirrinaren aurkako borroka...». Argi utzi dute, ordea, kasu horiek ez direla zentro bakoitzeko ezaugarrien ondorio: «Klase dominatzaileak bere interes eta beharrei erantzuten dien eredu bat sortu, indartu eta etengabe erreproduzitzeko dagoela ikusi dugu».
Jarraitu hemen irakurtzen.