Juan Kruz Mendizabal apaizaren sexu abusuen kasua urtarrilean lehertu zen. Zenbait gizonek salatu zuten haurrak zirenean sexu abuxuak egin zizkiela Mendizabalek. Ezagutzen ziren kasuak 1994koak, 2001ekoak eta 2005ekoak ziren. Kasu horiek preskribatuta daudelakoan, ordea, Gipuzkoako Fiskaltzak artxibatu egin ditu horien harira zabaldutako diligentziak, Efe albiste agentziak jakinarazi duenez. Ez du baztertzen, ordea, auzia berriro aztertzea testigantza gehiago jasoz gero. Ikerketa egiteko bideetako bat izan daiteke kasu gehiago agertzea, Mendizabalen portaera "jarraitua" izan zela ikustea, eta horren araberako neurriak hartzea.
Orain arte hiru adingaberi egindako albisteen berri zegoen. Atzo, ordea, EITBk ezagutarazi zuen beste kasu bat. Albistegietan eman zuen bideo batean gizon batek Azaldu zuen 14 urte zituela jasan zituela abusuak, udaleku batzuetan, eta zerrenda ez dela bere horretan geratuko haren ustetan: «Kasu gehiago izango dira». Mendizabal ezaguna da, bereziki, adingabeekin jarduera asko egin izan dituelako, eta Gazteen Pastoraltzako arduraduna ere izan zen.
Jarraitu albistea irakurtzen Berria egunkarian.