39 urteko gizonezkoa sua piztu zen pabiloian bizi zen, eta Ertzaintzaren esku jarraitzen du oraindik. Epailearen aurretik igaroko da datozen orduetan.
Joan den ostegunean haren desagertzearen berri izan zuenetik ari zen Ertzaintza 39 urteko gizonezko honen bila, Andoaingo sutearekin zerikusia izan zezakeelakoan. Gizona bera joan da polizia-etxera gaur goizean.
Ostegun goizaldean piztu zen sua Andoaingo Ama Kandida etorbidean. Haren ondorioz hiru lagun eraman behar izan zituzten erietxera, haietako bat erredura larriekin eta laugarren bat hilik atera zuten.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
