Herri batzarrerako deia egin du Berastegiko EH Bilduk

Erabiltzailearen aurpegia Berastegiko udala 2019ko ots. 13a, 10:41

Otsailaren 15ean, ostiralean, 18:00etan izango da lehena, eta 16an, larunbatean, bigarren saioa, 11:30ean. Udaletxeko erabilera anitzeko gelan egingo dituzte. 

Bi gai nagusi landu nahi ditu Berastegiko EH Bilduk herri batzar horietan: batetik, 2011-2019 legealdien balorazioa egin nahi du herritar guztiekin, eta, bestetik, 2019-2023 udal hauteskundeei begira, prestaketa lanak egin nahi dituzte. Hala nola, hautagaiak, herri-programa eta lan-taldeak zehazteko.

Bi deialdietan gai berdinak landuko dira, eta batzarren ondoren mokadutxoa egongo da. Berastegiko EH Bildutik animatu eta parte hartzeko deia luzatu dute, guztien iritziak eta ekarpenak gustura jasoko dituztela iritzita.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!