Joko zuzeneko (edo luzeko) pilota modalitatea da Bote Luzea, laxoa, paxaka eta errebotearen antzera. Joko zuzenean, piloteoa aurrez aurrekoa da, pilotariak elkarren parean kokatzen dira eta ez aldamenean pleka-ko (blé) modalitatetan gertatzen den moduan. Aurkariek ez dute pareta eta sarerik elkarren artean eta jokalekuak 55-60 metro luze eta 12-15 metro zabalekoak dira, normalean. Beraz, joko honetarako plaza egokia da Berastegikoa.
Kirol jokoaren nondik norakoak ezagutu eta praktikatu ahal izateko, ikastaroa antolatu du Berastegiko udalak. Larraulgo Murgilazpi Kirol Elkarteko kideek eskainiko dute ikastaroa uztailean, gazte nahiz helduentzat.
Informazio gehiago nahi duenak kultura@berastegi.eus helbidean edo udaleko bulegoetan izango du.